ज्योतिर्मठ

ज्योतिर्मठ
---------------
ज्योतिर्मठ हे अतिशय पवित्र आणि सुंदर ठिकाण आहे . हे ठिकाण म्हणजे बद्रीनाथाची हिवाळी गादी आहे . आदि शंकराचार्यांनी येथे तुतीच्या झाडाखाली उपासना केली आणि मठाची स्थापना केली . येथे त्यांना दिव्य ज्योती दिसली म्हणून या ठिकाणाला ज्योतिर्मठ म्हणतात . त्याचा अपभ्रंश होवून आता जोशीमठ म्हणतात .

अडीच हजार वर्षापूर्वीचा आणि ७० फुट घेर असलेला तुतीचा अमर वृक्ष पाहणे हे अतिशय पवित्र आणि रोमांचक आश्चर्य आहे . येथे बसून शंकराचार्यांनी प्रसिद्ध अम्बा स्तोत्र लिहिले . इतका प्राचीन आणि मोठा तुतीचा वृक्ष जगात दुसरा नाही . As a Hindu and as a Botany student I feel very blessed seeing such a old and holy tree on earth at Jyotirmath

जवळच असलेल्या शंकराचार्यांच्या मठात मी एकदा दुपारी सहकुटुंब गेलो . आणि एकटाच सकाळी आरतीला गेलो . अतिशय शांत वातावरणात सकाळची आरती होते . त्या दिवशी मठाबाहेरचा एकमेव मी आरतीला उपस्थित होतो . याच गावात नृशिंह मंदिर ,वासुदेव मंदिर ,नवदुर्गा मंदिर आणि अष्टभुजा गणेश मंदिर आहेत . काळ्या पाषाणातील या मूर्ती अतिशय सुंदर घडवलेल्या आहेत .

ज्योतिर्मठ च्या डोक्यावर औली हे पर्यटन स्थळ आणि स्कीईंग डेष्टीनेशन आहे .